Су тасқыны: 35 122 адам үйіне оралды

26 сәуiр 2024, 11:57

Бүгін Орталық коммуникациялар қызметінде өткен брифингте төтенше жағдайлар министрлігінің өкілі Асқар Шәріп Жайық өзенінің бойында ұзындығы 240 км қорғаныс бөгеттері салынып жатқанын хабарлады.
Солтүстік Қазақстан, Атырау және Ақтөбе облыстарында 6 082 тұрғын үй мен 2 584 аула аумағынан судың бағыты бұрылып, су сорылды.
«Қазіргі уақытта 35 122 адам өз үйіне оралды. Эвакуациялау пункттерінде
8 520 адам бар. Авариялық-құтқару және су тасқынына қарсы жұмыстарға 25 мыңнан астам адам, 3 мың техника, 634 су сору құралы, 268 жүзу құралы, 14 әуе кемесі жұмылдырылды», — деді Асқар Шәріп.