Студенттер далада қалмайды

Студенттерге арналған дағдарыс орталықтары Астана, Алматы және мен Шымкент қалаларында ашылды.
Ғылым және жоғары білім министрлігі мәліметінше, биыл үш мегополисте алғаш рет дағдарыс орталығы жұмысын бастады. Астана мен Алматыда 30 орын, ал Шымкентте 20 орынға лайықталған.  Студент жатақханаға орналасқанша осында 1-2 күн түнеп шыға алады.
Сондай-ақ әрбір жоғары оқу орнының жанынан ахуал орталығы да құрылды.
Студенттер жатақханаға өтінішті онлайн түрде жібереді. Оған 1 күн ішінде жауап беріледі. Ал жатақхана жетпеген жағдайда хостелге орналасады.  Алматы бойынша қыркүйекке дейін жаңасы бар, қайта жасалғаны бар 5 жатақхана қолданысқа беріледі. Бұл 1 600-ге жуық орын. Оған қосымша жыл соңына дейін дәл осындай 14 нысанның құрылысы аяқталып, 4 мыңға тарта студент жатақханаға орналасады.
JQ-Aqparat