Спорт кешені опырылып құлады

Қарағанды облысы, Нұра ауданындағы «Шұбаркөл көмір» АҚ-ның жұмысшылар кентінде спорт кешенінің қабырғасы құлады.
Оқиға 25 маусымда болған. «Шұбаркөл көмір» АҚ вахталық кентінде мәдени-спорт кешенінің қабырғасы жартылай құлап түскен. Оқиғаны кәугерлер телевонға түсіріп алған. Спорт кешені жөндеу жұмыстарын жүргізу мақсатында жабылғандықтан оқыс оқиға кезінде ішінде ешкім болмаған. «Кәсіпорын қызметкерлері де, ғимаратты қайта құруды жүзеге асыратын мердігер ұйымның өкілдері де зардап шеккен жоқ. Оқиғаның себептері анықталып жатыр. Әзірге компания қызметкерлерінің бос уақытын ұйымдастыру үшін вахталық кентте 2019 жылы салынған ашық футбол алаңы мен воркаутпен айналысуға арналған алаң бар», — деп мәлімдеді «Шұбаркөл көмір» АҚ баспасөз қызметі. Осыдан 34 жыл бұрын салынған ғимаратқа жөндеу жұмыстары осы жылдың сәуір айынан бастап жүргізіліп жатыр.

https://m.vk.com/video-166484109_456240253

JQ-Aqparat