Өскеменде көпірден секірмек болған бойжеткенді құтқарып қалды (видео)

Өскеменде өрт сөндіру көлігінің жүргізушісі Ертіс өзенінің үстіндегі көпірден секіріп кетуге оқталған қызды құтқарып қалды.

Өскемен қалалық төтенше жағдайлар басқармасының хабарлауынша, 26 сәуір күні 18:00 шамасында жас қыз Ертіс өзені үстіндегі көпірден төменге қарай секірмекші болған. “Мен көпір жақпен өтіп бара жатып, қыздың секіруге дайындалып жатқанын байқап қалдым. Дереу көлікті тоқтатып, оның қолынан тартып үлгердім”, – дейді Виталий Бақтыбаев. “Виталий Бақтыбаев өз ісінің шебері және арда азамат. Ол оқиғаның қалай болғанын баяндап берді. Ол өрт сөндіру саласында 17 жылдан бері табан аудармай жұмыс істеп келеді”, – деді қалалық ТЖБ өкілдігі.

https://www.youtube.com/watch?v=03djdfm58D0&feature=youtu.be

qamshy.kz