«Сізбен ән салу үлкен жетістік»: Raim ел алдында Мейрамбек Беспаевқа алғыс білдірді (Видео)

Танымал әнші Raim Мейрамбек Беспаевқа алғыс білдірді. Екеуі көпшілік алдында дуэт орындаған болатын. “Музарт” тобының белді мүшесі артынан ерген өнен иесіне әлеуметтік желіде әсерлі жазба жариялады.

“Кейінгі жастардың ішінде шоқтығы биік, әуезі де әні де ерекше, талантымен талайды таңғалдырып жүрген Райымның Алматыдағы кеші өте жоғарғы деңгейде өтті. Алып мегаполистің төріндегі 15 мың адамдық Алматы аренаның атмосферасын сөзбен жеткізу мүмкін емес. Жарайсың, бауырым. Бұл – сенің күнді күнге, түнді түнге жалғап, еткен тынымсыз еңбегіңнің жемісі. Адамның аурасы жақсы болса жұмыс та нәтижелі болмақ. Біздің дует елге ұнап жатса, бұл – сенің кіршіксіз көңілің мен таза жаныңның жемісі. Осы жолдан айныма», – деп жазды Мейрамбек Беспаев.

Одан кейін Raim да өнер иесіне алғыс айтып, ризашылығын білдірді.
“Арманымды орындағаныңызға алғыс, аға! Мен үшін сізбен бір сахнада, бірге ән салу үлкен жетістік. Рахмет!”, – деп жазды әнші.

 

Посмотреть эту публикацию в Instagram

 

Публикация от (@m_besbaev)

JQ-Aqparat