Сіз көрмеген, тіпті естімеген той!

Әрбіріміз үйлену тойының есте қалатындай ерекше болып өтуін қалаймыз. Оны талай рет армандап, оймен түрлі сценарилерді де құрастарамыз! Адамның қиялында шек жоқ. Оған дәлел бүгін біз ұсынып отырған ерекше үйлену тойлары.

 Аспанда өткен той. Бұл негізі әуе шарында тойланған неке салтанаты. Бұл тойды брюселдік жастар жасаған. Жерден 50 метр жоғары көтерілген әуе шарына 20 адам мінген.

Үйлену тойындағы ең ұзын «пойыз». Қытайдың сұлуы өз тойында рекорд орнатуды ойлап 219 метрлік жаулық таққан. Оның жүруіне тойдағы барлық қонақтар көмектескен екен.

Жұмыс орнындағы неке тойы. Бұл бойжеткен аяқ киім дүкеніне кірген кезде көрген сатушы-кеңесші жігітке ғашық болып қалады. Нәтижесінде екі жүрек табысып, тойды бір-бірін алғаш кездестірген жерде өткізеді.

Гүлмен көмкерілген той. Бұл ерекше салтанатты да қытайлықтар ойластырған екен. Өз сүйіктісін қуанту үшін  күйеу жігіт 99999 гүлмен 30 көлікті әсемдейді. Бұл үшін мәрт жігіт өзінің біржылдық табысын жаратқан.

Су астындағы үйлену тойы. Қазір ештеңеге таң қалуға болмайды! Той ұйымдастырушылар су астындағы салтанаттарды да ұсынады. Ол үшін кейбір жұптар суда билеуді де арнайы үйренгенге ұқсайды.

ikerim.kz