Сиви Махмуди пластикалық ота жасатты

Әнші Сиви Махмуди әлеуметтік желідегі парақшасында мұрнына пластикалық ота жасатқанын мәлімдеді.
Өнер иесі тыныс алуы қиындап пластикалық хирургтың көмегіне жүгінуге мәжбүр болғанын айтты. Сиви Махмуди желіге отадан кейінгі суретін салып, жұртты шошытты.
“Қайырлы күн! Менің бет-әлпетіме назар аудармай-ақ қойыңыздар. Кеше мен дәрігерден кеңес алуға келгенмін, содан аяқ асты ота жасатуға бел будым. Соңғы күндері дем ала алмай жүрдым. Ауыз бекітіп едім, оны да тоқтата тұруыма тура келді. Сөйтіп ота жасаттым. Шүкір, бәрі ойдағыдай өтті, тыныс алуым да жақсарды”, – дейді әнші.
Денсаулығына байланысты ринопластика жасатқан өнер иесі кейбір кемшіліктерді де түзетуді жөн көрген. Оны желіде жариялаған суреттен байқауға болады.

JQ-Aqparat