«Синтетика» жеткізудің кезекті арнасы анықталды (Видео)

26 сәуiр 2023, 11:53

Ақтөбе облысы полиция департаменті есірткі қылмысына қарсы іс-қимыл басқармасының қызметкерлері арнайы бөлімшенің жауынгерлерімен бірлесіп жедел-іздестіру іс-шараларын жүргізу барысында Завоводская көшесінде 26 жастағы жүргізушінің басқаруындағы Hyundai Accent автокөлігін тоқтатты. Көлікте жүргізушіден өзге жолаушы да болған.
«Күдіктінің жалдамалы пәтерін тінту барысында 1,5 кг астам “синтетика“ тәркіленді.

ҚК-тің 296-бабының 4-бөлігі, 297-бабының 1-бөлігімен сотқа дейінгі тергеп-тексеру басталды. Күдіктілер ҚПК 128-бабының талаптарына сәйкес, УҰИ-ға қамалды. ҚК 296-бабының 4-бөлігі бойынша үш жылдан жеті жылға дейінгі мерзімге, 297-бабының 1-бөлігімен мүлкi тәркiленiп, бес жылдан он жылға дейiнгi мерзiмге бас бостандығынан айыру түріндегі жаза көзделгенін» жазды Polisia.kz.