СІМ: Қазақстан барлық қақтығыстың бейбіт жолмен шешілгенін қалайды

ҚР Сыртқы істер министрлігі Ресейдің Курск облысындағы жағдайға қатысты пікір білдіріп, барлық қақтығыстың бейбіт жолмен шешілгенін қалайтынын хабарлады.

Сыртқы істер министрлігінің ресми өкілі Айбек Смадияров:

«Шынымен де, қазір бүкіл әлем РФ Курск облысының жекелеген аудандарындағы жағдайды үлкен алаңдаушылықпен бақылап отыр. Қазақстан мемлекеттердің аумақтық тұтастығы қағидаты айқын белгіленген БҰҰ Жарғысын барлық ел сақтауы қажеттігін әрдайым айрықша баса айтады. Біз саяси-дипломатиялық құралдарды кеңінен қолдану арқылы мемлекеттер арасындағы барлық қақтығыстың тек қана бейбіт жолмен шешілгенін құптаймыз», — деп мәлімдеді.

JQ-Aqparat

Сурет: Gov.kz