Шымкентте биыл кәрізбен қамту көрсеткіші 65 пайызға жетеді

Шымкен қаласының бес жылдық даму жоспарында қала халқын кәрізбен қамтылуы да қаралған. Биылғы көрсеткіш бойынша тұрғындардың орталықтандырылған кәріз жүйесімен қамтылуы 60 пайызды құрайды. Жыл соңына дейін 65 пайызға жеткізу үшін 6 елді мекенде құрылыс жұмыстары жүргізіліп жатыр. Қалалық инфрақұрылымды дамыту басқармасының дерегінше шаһар аумағындағы 81 елді мекеннің 24-і ғана орталықтандырылған кәріз жүйесіне қосылған екен.

Бүгінгі таңда Мирас, Шапағат-2 шағын аудандарында кәріз жүйелерінің құрылысы жүргізіліп жатыр. Аталған елдімекендерге канализациялық желілерді жүргізу бойынша жобалау-сметалық құжаттама әзірленіп, 2020 жылы сараптамалық қорытынды алынған болатын. Мердігер мекеме 2021-2023 жылдарға құрылыс жұмыстарына бөлінген бюджет қаражаты есебінен кәріз желілерін тартуда. Қазіргі таңда қаламыздағы 81 шағынауданның 24-і канализациямен қамтамасыз етілген. иыл Тассай, Тұран (ішкі жүйесі), Қайтпас-2, 112- орам, Бозарық шағынаудандарында құрылыс жұмыстары аяқталып, 60 мыңға жуық абонент кәріз жүйесіне қосылуға мүмкіндік алады. Нәтижесінде қалада кәрізбен қамту көрсеткіші 60 % — дан 65 % — ға артатын болады.

Мирас-Шапағат-2 нысанында жоспар бойынша жалпы ұзындығы 50,4 шақырым құбыр жүргізіледі екен. Осыған дейін жұмыстардың 69 пайызы орындалған. Жалпы 30 адам, 7 арнайы техника жұмылдырылған нысанның құрылыс жұмыстары толығымен 2024 жылы аяқталатын болады.

Қаланы орталықтандырылған кәрізбен қамту мұнымен тоқталып қалмақ емес. Қаланың инфрақұрылымын дамыту жоспар бойынша 2024 жылы – КОС-1, Рысқұловтан КОС-1-ге, Забадамнан КОС-1ге, Елтай, Жыланбұзған, Айнатас, Бадам 1-2, Шаңырақ, Айқап, Тұран коллектор, Төлеметов коллекторы және Нұртас шағынауданында кәріз жүйелерінің құрылыс жұмыстары жүргізілетін болады.

Мерей Әлімбек