Шымкент: Жылыжайларды екінші маусымның көшеттері егілуде

Шымкенттегі жылыжайлар алғашқы маусымдағы өнімдерді жинап, екінші рет өнім алу үшін көшет өтырғызуға кірісіп кетті. Айтып өтейік, қалада қазір 209 гектар болған 113 жылыжай кешені орналасқан. Оның ішінде аумағы 71 гектар құрайтын 23 өнеркәсіптік жылыжайда ауылшаруашылық өнімдері өсірілуде. Бұл жылыжайларда жылына 17 мың тоннадан астам қызанақ, қияр және басқа да көкөніс өнімдері өндіріледі. Өнімдер ішкі нарықты қамтып қана қоймай, көрші елдерге экспорт жасалады.

Бүгінде қала тұрғындарына балғын көкөніс жеткізіп отырған кешеннің бірі – Мәртөбе тұрғын алабында орналасқан «КазАгроном» ЖШС» жылыжайы. Аумағы 3 гектарлы жылыжай кешені биыл көктемде қияр егіп 160 мың тонна өнім жинады. Енді қызанақтың Унагма сұрыбын егуді жоспарлап отыр. Қазіргі егілген қызанақ көшеттері желтоқсан айында нарыққа шығады деп жоспарлануда.

Бүгінде қала тұрғындарына балғын көкөніс жеткізіп отырған кешеннің бірі – Бозарық тұрғын алабында орналасқан «Зауре» жылыжайы. Аумағы 3 гектарлы өндірістік жылыжай кешені 2020 жылы іске қосылған.

Жылыжай «Агроөнеркәсіптік кешен субъектісі инвестициялық салынымдар кезінде жұмсаған шығыстардың бір бөлігінің орнын толтыру бойынша субсидиялау» және тыңайтқыш құнын субсидиялау бағдарламалары бойынша мемлекеттен қолдау алғаннан кейін көкөніс өндіру ісі өркендеді.

Түркияның алдыңғы қатарлы технологиясымен жабдықталды. Жылына 600 тонна өнім өндіріліп отырған агрокешенде 30-дан астам адам жұмыспен қамтылып, қызанақтың органза, мэрлис және тарелино түрлері өсіріліп жатыр. Өнімдер қала нарығы мен еліміздің солтүстік өңірлеріне саудаланады.

Ауыл шаруашылығы министрлігі бекіткен инвестициялық субсидиялау бағдарламасы шеңберінде жылыжай шығынының 25 пайызы мемлекеттен төленеді. Одан бөлек төмен пайызды несиелеу бағдарламасы да кәсіпкерлерге қолдау болып отыр. Сондай-ақ жылыжайға қажетті тыңайтқыштар мен тұқымдарына да субсидия қарастырылған.

Мерей Әлімбек