Шымкент: жастар арасында нашақорлықтың алдын алу маңызды

02 сәуiр, 16:20

Нашақорлық – ұлттық қауіпсіздікке қатер төндіретін ауыр дерт. Содан да жастар саясатында есірткінің зияны туралы үгіт-насихат жұмыстарын жүргізуге мін беріледі.

Мемлекет басшысы осы орайда:

«Мен синтетикалық есірткі мәселесіне ерекше назар аударғым келеді. Өкінішке қарай, адам психикасына әсер ететін заттар тез таралып бара жатыр. Бұл – өте қауіпті үрдіс. Қазақстанда есірткіге тәуелді 110 мың адам есепте тұр. Оның ішінде балалар да бар. Бұл – біз білетін мәлімет қана. Осы ретте ішкі істер министрлігінің есірткіге қарсы күресті тиімді жүргізуін талап етемін. Біз бүкіл қоғам болып бұл кеселге қарсы табанды түрде күресуге тиіспіз», – деген еді.

Еліміздің үшінші мегаполисі — Шымкентте есірткіге қарсы пәрменді күрес жүргізіліп, жастар арасында нашақорлықтың алдын алуға айрықша маңыз беріледі. Бұл бағытта шаһардағы «Жастар ресурстық орталығының» қосатын үлесі қомақты екенін айтқан жөн.

Заманбек Орынбеков, Шымкент «Жастар ресурстық орталығының» басшысы:

«Нашақорлық – бұл жалпыға ортақ мәселе, өйткені ол біздің қоғамның дамуымен байланысты. Бүгінде дүниежүзі осы ғасыр дертінің алдын алу мақсатында түрлі шаралар қолданып, мәселені шешудің жолын іздестіруде. Шымкент қаласында да соңғы жылдары нашақорлық, құқық бұзушылық және лудоманиямен күрес жұмыстары кешенді түрде жүргізілуде. Атап айтқанда, кәмелет жасына толмаған жасөспірім мен жастар арасында «Түнгі рейд», «Түнгі қаладағы жастар», «Жасөспірім», есірткі жарнамасының алдын алу мақсатында «STOP: Есірткіге жол жоқ!» акциясы, құмар ойындардың зияндығын насихаттау мақсатында «Құмар ойынға құмартпа», «Лудомания – қоғам дерті» тақырыптарында кездесулер мен семинар-тренингтер ұдайы ұйымдастырылады».

Айталық, «Жастар ресурстық орталығы» жуырда «Нашақорлық — болашағыңа жасалған қастандық» тақырыбында іс-шара ұйымдастырды. Оңтүстік Қазақстан медицина академиясында өткен іс-шараға Психикалық денсаулық сақтау орталығының нарколог дәрігері Меруерт Одаман, №3 спорт шеберлігі мектебінің жаттықтырушысы Бахтияр Садықов, жастарға үлгі боларлық танымал спортшылар қатысты.

Шарада жастарды есірткіні пайдаланудың алдын алуға және есірткі қылмысына қарсы бірлесіп күрес жүргізу есірткінің ағзаға зияны мен жағымсыз салдары туралы мағлұмат берілді. Сананы улаған кеселге тап болғандардың өмірі қиындай түсетінін ескертіп, жастарды спортпен шұғылдануға шақырды.

JQ-Aqparat

18 сәуiр, 13:34
Түркістан: облыс полициясы 8 тәулік ішінде 2312 құқық бұзушылықты анықтады
17 сәуiр, 15:44
Түркістан: Сайрамдық полицейлер алаяқтықтың алдын алды
16 сәуiр, 12:24
Түркістан: Жасөспірімдер арасында құқық бұзушылыққа жол берілмейді
16 сәуiр, 12:05
Қайрат Нұрқасымов: Алматы Индустриялық аймағы – қала экономикасына серпін береді
12 сәуiр, 20:37
Түркістан: Полиция полковнигі жастарға есірткінің зардабын түсіндірді
12 сәуiр, 12:11
Түркістан: Сайрам ауданында «Құқықтық тәртіп» іс-шарасы өтуде
12 сәуiр, 12:10
Түркістан: Жетісай полицейлері «Заң және тәртіп» жобасын іске асыруда
11 сәуiр, 16:06
«Нөлдік төзімділік»: Түркістан полициясы 700-ден астам құқық бұзушыны анықтады
11 сәуiр, 15:50
Түркістан: Алаяқтар қашып құтылмайды