Шығысқазақстандық шенеунік парамен ұсталды (видео)

Шығыс Қазақстан облысы бойынша Индустриалды даму және өнеркәсіптік қауіпсіздік Комитетінің департамент жетекшісі ұсталды.

Баспасөз қызметінің мәліметінше, Индустриалды даму және өнеркәсіптік қауіпсіздік Комитетінің департамент жетекшісі А. Закирьянов әшкере болған. Ведомстводағылардың айтуынша, ол өнеркәсіптік қауіпсіздік саласында жоба құжаттамасына келісім беру үшін кәсіпкерлік субъектілерінен жүйелі түрде пара алып отырған. Tengrinews.kz хабарлағандай, «2017 жылдың 12 сәуірінде кәсіпкерден параның 90 мың теңге кезекті сомасын алып жатқан жерінен Закирьянов ұсталып, Өскемен қалалық ІІД-нің уақытша ұстау изоляторына қамалды. Параның жалпы сомасы — 2 миллион теңге». Тергеу жүріп жатыр.