Шу қаласынан атыс қаруы мен оқ-дәрі табылды

Жамбыл облысында көліктегі полиция департаменті ұйымдасқан қылмыспен күрес басқармасының қызметкерлері Шу қаласының маңындағы иесіз ғимараттан атыс қаруы мен оқ-дәрілерді тапқан. Бұл туралы Polisia.kz мәлім етті.

«Қаңтар оқиғасы кезінде Жамбыл облысы Полиция департаментінен ұрланған АКСУ-90 автоматы оқшантайымен бірге, бөлшектелген түрдегі қос ұңғылы аңшы мылтығы, 16 мл калибрлі шолақ аңшы мылтығы, Streamer 1014 маркалы газ тапаншасы, 5.45 мм калибрлі патрондардың 29 бірлігі, 7.62 мм калибрлі 7 патрон, 16 мл калибрлі тегіс ұңғылы қарудың 9 патроны немесе 49 данасы тәркіленді», — деді ҰҚҚК басқармасының бастығы Теміржан Рамазанов. Табылған қару-жараққа қатысты сот-баллистикалық сараптама тағайындалып, ҚР ҚК 287-бабының 3-бөлігі бойынша сотқа дейінгі тергеу басталды.

JQ-Aqparat