Шешенстанда қақтығыстан екі қазақстандық қаза тапты (фото)

Шешенстанда лаңкестермен күрес кезінде Ресей гвардиясының алты сарбазы қаза тапты, оның екеуі Қазақстанның тумасы болып шыққан .

Лаңкестермен болған қақтығыс кезінде ерлікпен қаза тапқандар:

— Ақтөбе облысының тумасы, 36 жастағы аға сержант — Анатолий Ермолаев. Бөлімшеде ол радиожелі басшысы болған;

— Қарағанды облысының тумасы, 27 жастағы кіші сержант Дмитрий Гурат. Ол әскери бөлімшеде жүргізуші болған.

Бұлардан бөлек, Ресей гвардиясының 4 әскери қызметкері де қаза болды.

NUR.KZ хабарлағандай, 24 наурызда қаруланған алты бұзақы Наурская станицасындағы әскери қалашыққа шабуыл жасаған.

Олардың басты мақсаты қару-жарақ алып, Шешенстанда теракт ұйымдастыру болған.