Ұшақты уақтылы жеткізбеген украиндарға қатаң талап

Украинамен арадағы дауға қатысты Ішкі істер министрлігі мәлімдеме жасады. Айтуларынша, Харьковтағы ұшақ жасау зауытына тапсырысты орындау үшін 3 ай уақыт берген. Тағы да уәдесінде тұрмаса Ұлттық гвардия сотта қуына бермек.
Өйткені істі созбалаңға салған зауыт АН-74 ұшағын құрастыруға біраз уақыт сұраған. Сондықтан Ішкі істер министрлігі келісім-шартты жыл соңына дейін ұзартуға мәжбүр. Оның үстіне 28 миллион долларға бағаланған әуе техникасы үшін зауытқа алдын-ала жарты ақысын төлеп қойған. Енді қыруар қаржы да , ұшақта жоқ. Оның үстіне украин соты Ұлттық гвардияның 15 миллион долларды қайтару туралы шағымын қанағаттандырмай тастапты. Осылайша, Харьков зауыты АН -74-тің біреуін әкеп бергенімен, екіншісінің тағдыры әлі беймәлім боп тұр. Негізі Харьков зауытының жұмысы Ресеймен арадағы байланыс үзілген соң тұралай бастаған. Себебі қос мемлекет ұшаққа қажетті тиесілі бөлшектерді бір-бірінен алып келген екен. Бір өкінішісті, тараптардың тартысынан Қазақстан зардап шегіп отыр.

Алмас Сәдубаев, ҚР ІІМ ресми өкілі:

-Әскери бөлім Харьков зауытымен ұшақты жеткізу мерзімін созу туралы қосымша келісімге қол қойды. Келісім-шарт міндеттемелері орындалмаған жағдайда, айыппұл санкциясы көрсетіле отырып, сотқа шағым жасалатын болады.

ktk.kz