Серікбол Сайлаубек: Әкем Алладан “бір көзі соқыр болса да ұл берші” деп сұрапты

13 қазан 2023, 10:40

Әнші Серікбол Сайлаубек отандық бағдарламаға сұхбат берген кезінде әкесіне қатысты қауесетке жауап берді.
«Мен 16-17 жасымда әкемнен айырылып қалдым. Ол кісінің жүрегі тоқтап, марқұм болып кетті. Әйтпесе әкеміздің жанында болдық, ол кісіге ренжитіндей хақым жоқ. Мен анамның айтқан әңгімесін баяндап бердім. Әкем Алладан “бір көзі соқыр болса да ұл берші” деп сұрапты. Менің туғаннан сол жақ көзім көрмейді. Осы әңгімеден кейін көпшілік басқаша түсінген екен. Ал “әкесіне ренжулі” деген қате әңгіме, ешқашан ренжіген емеспін. Мұндай әңгімеден аулақ болыңыздар. Әке деген асқар тау”, – деп өз ойын ақтарды.