Серік Күдебаевқа халықаралық іздеу жарияланды

Алматы облыстық полиция департаментінің бұрынғы басшысы Серік Күдебавқа қатысты қозғалған қылмыстық істің бүгін нүктесі қойылып, сот үкімі оқылуы тиіс еді. Алайда бірнеше мәрте кейінге шегерілген сотқа бүгін де айыпталушы келмеді. Осыған байланысты Серік Күдебаевқа халықаралық іздеу жарияланды.

Облыстық полиция департаментінің экс-басшысы былтырғы жылдың 13 мамырында қаңтар оқиғасы бойынша күдікті деп танылған болатын. Осы жылдың 31 қаңтарында өткен сот процесі кезінде С.Күдебаев 2022 жылғы қаңтар оқиғасы кезінде Талдықорғандағы қызмет орнынан не үшін кеткенін айтып берген еді. 28 ақпан күні прокурор Алматы облыстық полиция департаментінің бұрынғы басшысын 9 жылға соттауды сұрады. Соттың соңғы нүктесі қойылар кезде Күдебаевқа халықаралық іздеу жарияланып отыр. Кейінгі сот отырыстарына келмей денсаулығына байланысты аурухана түскен С. Күдебаевты бүгінгі сотқа күштеп әкелуі тиіс болған.

JQ-Aqparat