Шүменов чемпион атанды

Қазақстандық боксшы Бейбіт Шүменов америкалық Джуниор Райтты мерзімінен бұрын жеңді. 

Vesti.kz сайтының хабарлауынша Лас-Вегаста өткен жекпе-жекте бәске 97,7 келіге дейінгі салмақта WBA тұжырымы бойынша әлем чемпионы тұжырымы тігілді. Шүменов жекпе-жекті бірінші раундтан-ақ бақылауға алды, бірақ бесінші раундта нокдаун алып қалды. Сегізінші раундта қазақстандық Райтты екі рет нокдаунға жіберді, бірақ америкалық кездесуді жалғастырды. Ал оныншы раундта тағы бір нокдаун алғаннан кейін Райттың өкілі рингке орамал лақтырып, төреші жекпе-жекті тоқтатты. Солайша, Шүменов техникалық нокаутпен жеңіске жетті.

32 жастағы Шүменов кәсіпқой рингтегі 17-ші жеңісіне қол жеткізіп отыр, олардың 11-і мерзімінен бұрын аяқталған. Қазақстандық боксшы екі мәрте жеңілген.

Енді Шүменов WBA және IBF тұжырымдары бойынша әлем чемпионы, ресейлік Денис Лебедевпен кездесуге міндеттелді.