Сенатор: Бір сиырдың терісінен 20 жұп аяқ киім тігуге болады

Сенаттың «Өңір» депуттатық тобының отырысында отырысында сенатор Арман Өтеғұлов шаруалар сиыр терісін өңдеп кәдеге жарата алса, жылына 14 миллиард теңге табыс табуға болатынын айтты.
«Ауылда малмен күнелткен жұрт «жүн мен теріні ешкім алмайды» деп аяққа таптап, қоқысқа тастап жатыр. Ал сол жүн мен теріні өңдеумен айналысатын кәсіпорындарда тиісті шикізат жеткіліксіз, жүктемесі тым аз. Осыдан 2-3 жыл бұрын экспортқа шығаруға тыйым салынған болатын. Әлі алынған жоқ. Жеңіл өнеркәсіпте ең жиі қолданылатыны сиырдың терісінен 20 жұп аяқкиім тігіп шығаруға болады. Әр аяқ киімнің бағасын 15-20 мың теңге деп есептегенде, бір сиырдың терісінен 300-400 мың теңге қаражат табуға болады. Елімізде жыл сайын шикі терінің 10-20 пайызы ғана сатылады. Ал 3 млн-ға жуық мал терісі өңделмеген күйі далаға тасталады. Осының бәрін кәдеге жаратқанда шаруалар шамамен 14 млрд теңге табыс табар еді», — деді А.Өтеғұлов.

JQ-Aqparat