Семейде Сейфуллинді дұрыс жаза алмайды (Видео)

Семейде Сәкен Сейфуллиннің аты-жөнін қате жазғандар сынның астында қалды. Себебі Сейфуллин көшесіндегі тақтайшаны жаңартқанда «Л» әріпі түсіп қалған. Бұл туралы КТК телеарнасы хабарлады.

Бұл көшедегі жүзден астам тақтайша қайта жаңартылған. Бірақ бәрінде қоғам қайраткерінің тегі қате жазылған. Сондықтан жауаптылар олқылықты дереу жоюға уәде берді. Айтуларынша, қателік байқаусызда болған. Сондықтан мердігер мекеме есебінен сауатсыз жазылған тақтайшаларды түгел ауыстырамыз дейді әкімдіктегілер.

Қанатжан Жылқыбаева, Семей ТКШ бөлімінің маманы: — Жіберілген қатені түзеп, Сейфуллин көшесіне қайтадан тақтайша ілеміз. Конкурс ұтып алған мердігер ұйым қалпына келтіреді.

JQ-Aqparat