Семей тұрғыны көлігінің салонында өзін-өзі өртеп жіберді

26 сәуiр 2017, 17:29

Семей тұрғыны көлігінің салонында өзін-өзі өртеп жіберді. Өлім алдында ер адам хат жазып, тастап кеткен.

Қайғылы оқиға 24 сәуірде күндіз болған. Ер адам өз үйінің ауласында көлігінің салонында өзін-өзі өртеп жіберген. «102 пультіне 13.30-да хабар түскен. Осы дерекке қатысты «Өзiн-өзi өлтiру» бабы бойынша Бірыңғай реестрге тіркелді. Қазіргі уақытта оқиғаның мән-жайы анықталып жатыр», — деді полициядағылар. Ер адам қайтыс болардың алдында хат жазған, онда ол өз өліміне ешкімді кінәламауды сұрайды. 42 жастағы ер адамның мұндай әрекетке неліктен барғаны белгісіз. Полициядағылар қылмыстық істің мән-жайын толығымен ашып айтпады. Tengrinews.kz хабарлағандай, қайтыс болған ер адам полиция есебінде тұрмаған, өз-өзіне қол салған уақытта алкогольдік немесе есірткі затын пайдаланбағаны анықталды.