SCAT әуе компаниясының кассасы тоналды

Бетперде киген ер адам кассирлерді пышақпен қорқытып, бір күндік түсімді алып кеткен.

ҚазАқпарат хабарлағандай, өз есімін атамауды өтінген ақпарат көзінің айтуынша, қарулы тонау 27 ақпан күні болған. Қылмыскер кассирлерді пышақпен қорқытып, бір күндік табысты алып, ғимараттан қашып кеткен. Куәгерлердің айтуынша, ер адам бетпердеде болған. Тонау түскі үзіліс кезінде болған. Қаскөй ұрлаған қаражаттың нақты сомасы белгісіз. Кассашы қыз дабыл нүктесін басқан, бірақ күзет агенттігінің қызметкерлері келгенше, ер адам ізін суытып үлгерген. Оқиға орнында полицейлер жұмыс істеуде.