Сарыағашта 19 жастағы жігітті азаптап өлтірген

Сарыағашта 19 жастағы жігіт жерлестерінің қолынан мерт болды, деп хабарлайды jasqazaq.kz.

Оtyrar.kz жазғандай, оқиға 20 ақпанда болған.

Жігіттің анасы Райхан Жамалова: «Айдала, түн түгілі күндіз баруға қорқатын жерге менің баламды алып барған. 14 жерінен пышақтап, маңдайынан ломмен ба, бірдеңемен ұрған. Өйткені, сүйегі кіріп кеткен. Із бар кәдімгідей. Сол жерден табылып отыр ғой балам», — дейді.

Күдікке ілінгендердің ішінде әскери қызметкер болғаны айтылады. Бұл туралы ІІМ Оңтүстік өңірлік әскери тергеу басқармасының Шымкент бөлімі мынадай түсінік берді:

«Қазақстан Республикасы Қылмыстық кодесінің 99-бабы 1-бөлігі бойынша қылмыстық іс тергеліп жатыр. Осы қылмыстық құқық бұзушылықты жасаған күдікті анықталып, ҚР ҚПК-нің 128-131 баптарының тәртібімен ұсталды және күдіктіге қатысты тергеу соты 2 ай мерзімге «қамауда ұстау» түріндегі бұлтартпау шарасын қолдануға санкция берді. Қазіргі танда сотқа дейінгі тергеп-тексеру жалғасуда».

Қазір Сарыағаш қаласында болған қанды қылмыс туралы түрлі ақпарат тарап жатыр. Соның ішінде әлгі күдікті марқұмға 280 мың теңгені қарызға алдырған деген де дерек бар.

JQ-Aqparat