Салтанат Бақаева: «Өзімді тереңірек танығандай болдым»

Әнші Салтанат Бақаева әлеуметтік желіге Барби образындағы суреттерін жариялады. Трендтен қалыспауды жөн санаған.

«Трендтен қалмайық деп 100% өзгеріске бардық. Ұзақ уақытты талап етті түсірілім. Есесіне жақсы жұмыс болған сияқты. Қалай ойлайсыздар? Сіздердің қолдауларыңызды күтемін. Өз образыммен эксперимент жасау маған ұнайды. Соның арқасында ішкі жан дүниемнің қыр-сырын зерттеп, өзімді тереңірек танығандай боламын! Және процесс барысында адреналин ерекше сезімдер сыйлайды. Бәлкім, сол үшін менің мамандығым актриса?! Қалай? Барби болған жарасады ма», – деп сауал тастады оқырмандарға.

Желі қолданушылары актрисаның жаңа қызғылт түсті образы жоғары баға берді.

«Ерекше шығыпты», «Басқаларға қарағанда әдемі», «Нағыз Барби», «Сұлу», «Мүлде танымай қалдық», «Қазақша Барби», «Осымен тренд жабылсын», «Жақсы жарасып тұр», – деп жарыса жазды желідегілер.

JQ-Aqparat