Сәкен Майғазиев жол апатына түсті

Әнші Сәкен Майғазиев әлеуметтік желіге Сарыағашқа бара жатқан жолда апатқа ұшырағаны жайлы жазды.
«Жолда сақ болыңыздар! Бір Алла қақты! Сарыағашқа келе жатыр едік. Осындай жағдай болды. Бәрі жақсы болсын. Бәле-жаладан сақтасын. Абайлап, асықпай жүріңіздер! Жол тар, көлік көп. Бір-бірімізді басып озамыз деп осылай болды. Алла жар болсын. Аман қалғанымызға Аллаға шүкір», – дейді Сәкен Майғазиев.
Өнер иесі оқыс жағдайдан кейін алаңдап жатқан оқырманға алғысын білдірді.
“Тілектес жандардың барлығына мың алғыс. Шынында осындай оқиға орын алды. Ең бастысы аманбыз. Сарыағашқа барып ән кешімізді өткізіп, салтанатты тойға қытысып, аман-есен Шымкентке оралдық. Алла осылай сабақ беріп, сынап қояды”, – дейді әнші.

JQ-Aqparat