Роналду гол соққаннан кейін сәжде жасады (Видео)

Әлемге әйгілі футболшы Криштиану Роналду «Әл-Шабаб» командасының қақпасына гол соққанда қуанышын бұл жолы басқаша білдірді. Бұрын жүгіріп келіп «Si-i-i-u-u-u!» деп айқайлап кері бұрылса, бұл жолы сәжде жасады.

Ойында «Әл-Наср» командасы 0:2 есебімен жеңіліп жатқан. Ойынның 59-минутында Роналду соққан гол командасына жеңіс сыйлады. Португалдық футболшының алыстан қия тепкен добын қарсыластың қақпашысы қайтара алмады.

Роналдудың гол соққаннан кейінгі қылығы жанкүйерлерді таңырқатты. Сәждені мұсылмандар намаз оқығанда, құран бағыштап, Аллаға құлшылық еткенде жасайды. Ал футболшының бұл әрекеті өзі тұрып жатқан елдің (Сауд Арабиясы) мәдениеті мен мұсылман жұртшылығына құрметі болар.

JQ-Aqparat