Ресейлік туристер: Қазақстандықтар қайырымды екен (видео)

https://www.youtube.com/watch?v=bwF7S-mwnrY

Ресей Федерациясынан келген екі турист жігіт қазақстандықтардың қаншалықты қайырымды екенін тексеріп көрді. Ол үшін Астананы бірнеше күн аралап, тегін шаш алып беруді және ақысыз тамақтандаруды сұрады. Сөйтіп, қазақтардың қайырымдылығына таңғалды. Бір қызығы, елордадағы шіркеу оларға көмектесуден бас тартты.

«Қазақстандағы орыстарға деген қатынас. Путин, не істеп жатқанын қара» деген тақырыппен жарияланған видеода екі ресейлік жігіт Астанаға жасаған сапарларын бейнекамераға түсіріп жүр. Бірінші күні олар түнейтін жерді табай алмай, жылы аялдамада қонуға мәжбүр болды. Дегенмен, сол жерде кездескен қазақтың жастары оларға SIM-карталарын беріп, бір көмектерін жасады. Ертесінде ресейлік туристер шіркеуге барып көрген. Алайда ғибадат орнының әкімшілігі көмек беруден бас тартты.

Осыдан кейін олар өздерінше, бір тәжірибе өткізіп, қазақстандықтардың қайырымдылығын тексеріп көрді. Тексерді де, таңғалды. Шаштараз екеуінің де шашын тегін алып берді. Ал сауда орталықтарында жұмыс істейтін қазақтың қыздары ақысыз тамақ берді, тіпті өз ақшаларына сатып алды.

Baq.kz