Ресейге ірі көлемде оқ алып өтпек болды

Қазақстан шекарашылары аңшылық оқ-дәрінің ірі партиясын рұқсат құжаттарынсыз алып өту әрекетінің жолын кесті, деп хабарлады ҚР ҰҚК ШК баспасөз қызметі.

ҚазАқпарат хабарлағандай, Қостанай шекара жасағы «Қайрақ авто» өткізу бекетінің қызметкерлері рұқсат құжаттарынсыз аңшылық оқ-дәрінің ірі партиясын, нақтырақ айтқанда 90 дана көлемінде алып өтпек болған 29 жастағы Қазақстан азаматын ұстады. Ұсталған азамат Қазақстаннан Ресейге «Тойота» көлігі арқылы өтпек болған. Оқ-дәрілер көліктің артқы орындығындағы қол жүгін тексеру барысында табылды. Факті жөнінде Қарабалық аудандық ІІБ өкілдеріне хабарланды.