Ресейде мешіт мұнарасын мазақтады (видео)

Уфа қаласындағы (Башқұрстан астанасы) «әр-Рақым» мешітінің тұрғызылып жатқан мұнарасына шығып, өз «өнерлерін» паш етпек болған жасөспірімдердің ессіз әрекеті башқұрт қоғамының назарын өзіне аударып, мұсылман жамағатының наразылығын тудырды.

baq.kz хабарлағандай, әлеуметтік желіге өздерінің «жүрек жұтқан» әрекетін жариялағандар лайк жинаудың орнына осылайша сынның астында қалды. Ақырында жасөспірімдер кешірім сұрап, аталған видеоны алып тастаған. Осы оқиғаға байланысты қала басшылығы мешіт мұранасындағы қауіпсіздік шараларын қолға алып, күзетті күшейтпек.