Ресейде құл сияқты жұмысқа жегілген бе?

Қырғызстан президенті Алмасбек Атамбаев қырғыздар бұрын Ресейде құл сияқты жұмыс істеді деген пікірде. Бұл туралы zakon.kz cайты Euronews-қа сілтеме жасай отырып хабарлады.

Еуропадағы белгілі телеарнаға сұхбат берген А. Атамбаев өзі елі Еуразия экономикалық одағына (ЕАЭО) кірген соң Ресейге жұмыс іздеп барған қырғыздардың қазір тым құрығанда құқығы бар екенін, олардың жұмысқа тұруға мүмкіндік алғанын атап өтті.

Сұхбат кезінде журналист «ЕАЭО ең алдымен Ресейдің мүддесін көздейді деп есептейсіз бе?-деген сауал тастады. Қырғызстан басшысы бұған «Білмеймін, мүмкін Ресей немесе Ресей басшылары осылай болғанын қалаған шығар» -деп жауап берді. Бұл одақтың Қырғызстанға тиімді екенін айтқан А. Атамбаев бұған дәлел ретінде жоғарыда айтылған Ресейдегі отандастарының қазіргі жағдайын мысал етіп кетіреді.