«Рахаттағы» оқушылар рахаттанбай жүр (видео)

Білім алу мұңға айналды. Алматыдағы Алатау ауданына қарасты «Раxат» ықшамауданындағы балалар мектепке сыймай жүр. 90 бала оқуы тиіс жалғыз білім ошағында бүгінде 300-ден аса оқушы қымтырылып сауат ашуға мәжбүр. Елуінші жылдары бой көтерген ғимараттың мектеп деген аты болмаса, тозығы әбден жеткен.

Бұл 3000-нан астам тұрғыны бар «Раxат» ықшамауданындағы жалғыз білім ошағы. Осыдан жарты ғасыр бұрын салынған көне ғимаратта сабақ оқуға жағдай жасалмаған. almaty.tv хабарлағандай, мектеп ұжымы жыл сайын бөлінген қаржыға шама-шарқы жеткенше жөндеу жүргізеді. Алайда, қанша жөнделсе де ескінің аты ескі. Ғимараттың қабырғасы сөгіліп, шатырлары әбден тозған. Жаңбыр жауса төбесі сыздан көтеріліп кететін көрінеді. Бірақ естуге ерсі болса да бас қайғы бұл емес. Негізгісі — оқушыларға орын тапшы.