jasqazaq.kz

Р.Скляр: «Екібастұздағы келеңсіз жағдай қайталанбайды»

11 сәуiр 2023, 14:03

Бүгін өткен Үкімет отырысында Премьер-Министрдің бірінші орынбасары Роман Скляр биыл қыста жылусыз қалған Екібастұз қаласында келер жылы мұндай келеңсіздік болмайды деп сөз берді. Бірінші вице-премьер жылу жүйелері мен жылу электр станцияларына жүргізген аудит аяқталғанын атап өтті.
«Министр мен әкімдік тексеру аяқталғанын, ЖЭО-ның өзіне де, жылу желілеріне де ақша бөлінетінін хабарлады. Жөндеу жұмыстары толық көлемде жүргізіледі, деп сендірді облыс әкімі, мен оны қолдаймын. Келесі жылыту маусымында Екібастұзда проблема болмайды. Мемлекет жеке нысандарды жөндеуге қаражат бөле алмайды, сондықтан мемлекет бұл жағдайда ЖЭО нысандары мен инфрақұрылым — жылу желілерін жөндеу жұмыстарын жүргізеді. Жылу желілері жайында айтсақ, 5,3 шақырым — бұл жаңа құрылыс болады. Қаланы жылумен жабдықтауды жақсартып, бастапқыда теңгерімсіз болған жылумен жабдықтау жүйесін жақсартуға мүмкіндік беретін мүлдем жаңа жылу желілері құрастырылады. 50 пайызы – коммуналдық меншікке алатын техника, ол бюджет қаражаты есебінен жөнделеді деп бірнеше рет айттым. Жылу желілері үшін де солай. Қалғаны паритеттік негізде. Осылайша, келесі маусымда жылуға қатысты мәселелер болмайды. Коммуналдық меншікке алған қондырғыларымызды, жылу желілерін немесе ЖЭО жабдықтарын өз қаражатымыздан қаржыландырамыз. Үлескерлерге тиесілі жабдықты солар қаржыландырады. Осылайша, қаржыландыруды бірлескен күш-жігермен арттырып, мәселені шешеміз», – деп уәде берді. Қарашаның арқаңды қаритын қара суығында жылусыз қалған екібастұздықтар өткен қысты ұмытпасы белгілі. Оларға жылы сөз, құрғақ уәде емес, жылу құбыры мен жылыту қазандықтарының жаңаланғаны керек.

JQ-Aqparat

13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр
12 қараша, 14:55
Шымкентте қауіпсіздік инфрақұрылымы кеңейіп келеді
10 қараша, 20:03
«COP31»: Әділ, теңгерімді көзқараспен нақты нәтижеге
10 қараша, 16:00
Азамат Ешанқұл: Алматыдағы қоғамдық көліктің 81,2%-ы экологиялық таза отынға көшті
10 қараша, 14:34
Шымкентте Президент Жолдауын түсіндіруге арналған кездесулер өтті
09 қараша, 12:51
Әлішер Бекенов: Жылу шығынын азайту энергия тиімділігін арттыруға мүмкіндік береді
07 қараша, 10:32
Газ өңдеу зауыттары: Әртараптандырудағы айқын қадам
05 қараша, 18:32
Тарих қойнауынан табылған жазу немесе ғалым мен қаламгердің үндестігі