Ауыл шаруашылығы мақсатындағы 4,1 млн гектар жер банктердің кепілінде тұр. Мұны Премьер-Министрдің бірінші орынбасары Роман Скляр мәжіліс депутаттарының сауалына берген жауабында мәлім етті. «Екінші деңгейдегі банктердің мәліметтеріне сәйкес, бүгінде ауыл шаруашылығы мақсатындағы шамамен 2 661 жер учаскесі, оның ішінде шартты жер үлестері есебінен қалыптастырылған, жалпы ауданы шамамен 4,1 млн гектар жер кепілде тұр. Жер учаскелерін қамтамасыз етуге арналған несиелердің ағымдағы берешегі 1 213 млрд теңгені құрайды. Бүгінгі күні шартты жер үлестеріне құқықтарды ұстаушылар жер учаскесіне құқықтарды негізінен шаруашылық серіктестіктердің жарғылық капиталына немесе шаруа қожалығын дербес (біріккен) жүргізу не өндірістік кооперативтерге жарна ретінде салу жолымен іске асырды. Осылайша қалыптастырылған жер учаскелерін Жер кодексінің 79-бабына сәйкес шаруашылық серіктестік кепілмен қамтамасыз ету ретінде банкке бере алады. Қатысушылар шаруашылық серіктестік құрамынан шыққан жағдайда оларға жер учаскелерінің үлестерін қайтару тәртібі заңнамалық реттелген», – деп жазды Премьер-Министрдің орынбасары депутаттардың сауалына қайтарған жауабында.
JQ-Aqparat
WhatsApp: +7 705 717 9113
