Психикалық дамуы тежелген балаларға бассейн салынады

Бүгін Алматы қаласының әкімі Ерболат Досаев Алмалы ауданының тұрғындарымен кездесті. Тұрғындардың түйткілді сауалдарына жауап еру барысында шаһар басшысы осы ауданда спихикалық дамуы тежелген балаларға арналған жүзу бассейінібар орталық салынатынын айтты.

«Райымбек даңғылы, 312 мекенжайында психикалық дамуы тежелген балаларға арналған бассейні бар спорт орталығын салу жобасы әзірленіп жатыр. Құрылысты 2024 жылы бастау жоспарда тұр. Мұнда заманауи балаларды оңалтудың қалалық орталығы ашылады. Бұл жұмыс 2024 жылдың IV тоқсанында аяқталады», — деді Ерболат Досаев. Аудан тұрғындарымен кездесуде Е.Досаев Абай даңғылы мен Масаншы көшесінің қиылысында орналасқан бұрынғы теміржол ауруханасы ғимаратының тарихи келбетін сақтай отырып, реконструкциялау жұмыстары жалғасып жатқанын атап өтті.

Алматы әкімі жақында «Тастақ» шағын ауданында «Шыңға өрлеу» әлеуметтік клубының екінші филиалы ашылғанын да айтты. Клуб тұрмысы төмен отбасылардың балаларына тегін қосымша білім алуға көмектеседі. Ал білімін жетілдіруші оқушыларды зейнеткер мұғалімдер оқытады.

JQ-Aqparat