Президент Қытай телеарнасына сұхбат берді

Бүгін Мемлекет басшысы Қасым-Жомарт Тоқаевтың Қытайдың CCTV телеарнасына берген сұхбаты көрсетіледі. Бұл туралы Ақорданың телеграм арнасы хабарлады.
Президент ҚХР-ға мемлекеттік сапары қарсаңында еліміздің Қытаймен саяси-экономикалық және мәдени-гуманитарлық ынтымақтастығының даму перспективаларына, қазақ-қытай қатынастарының тарихы мен бүгінгі жай-күйіне, жаһандық және өңірлік саясатқа қатысты Leaders Talk бағдарламасының сұрақтарына жауап береді. «Leaders Talk – халықаралық проблемалар талқыланатын бағдарлама. Бұған дейін аталған бағдарламаға 20-дан астам мемлекеттің басшылары мен халықаралық ұйымның жетекшілері эксклюзивті сұхбат бергені» жазылған хабарламада.
Президент Қасым-Жомарт Тоқаев 17-19 мамыр аралығында Қытай халық республикасына мемлекеттік сапармен барады.

JQ-Aqparat