Президент Қасым-Жомарт Тоқаев Қытайға ресми сапармен келді (Видео)

Президент Қасым-Жомарт Тоқаев Қытай Халық Республикасына ресми сапармен келді. 

Aqorda.resmi Телеграм-каналы жазғандай, Мемлекет басшысын Құрмет қарауылы сап түзеген Бейжің әуежайында ҚХР Өнеркәсіп және ақпарат министрі Цзинь Чжуанлун және басқа да лауазымды тұлғалар салтанатпен қарсы алды.

Екі күндік ресми сапар барысында Президент Қасым-Жомарт Тоқаев ҚХР Төрағасы Си Цзиньпинмен, ҚХР Мемлекеттік кеңесінің Премьері Ли Цянмен және Бүкілқытайлық халық өкілдері жиналысы Тұрақты комитетінің төрағасы Чжао Лэцзимен келіссөздер жүргізеді, сондай-ақ жоғары деңгейдегі «Бір белдеу, бір жол» бастамасының III форумына қатысады.
Сонымен қатар Қасым-Жомарт Тоқаев Бейжің Тіл және мәдениет университетінің аумағында орнатылған Әбу Насыр Әл-Фараби бюстін салтанатты түрде ашады.
Соүдай-ақ Қытайдың ірі компаниялары басшыларымен бірқатар кездесу өткізеді.

@aqorda_official #Тоқаев #Қазақстан #Астана #Ақорда #Қытай #БейжіңҚаласы ♬ оригинальный звук — Aqorda 🇰🇿

JQ-Aqparat

Суреттер: Aqorda.resmi