Полковник 124 млн долларынан айырылды

10 қыркүйек 2016, 20:00

Тергеушілер Ресей ІІМ Экономикалық қауіпсіздік және сыбайлас жемқорлыққа қарсы бас басқармасы «Т» басқармасының басшысының орынбасары Дмитрий Захарченконың үйін тінтіді. Полковниктің үйінен 8 млрд рубльге тең валюта (шамамен 124,6 млн доллар немесе 42,1 млрд теңге) табылған, деп хабарлайды ресейлік РИА Новости агенттігі.

«Полковник Захарченконы тінту жақында аяқталды. Бастапқы санақ бойынша одан рубльге шаққанда 8 млрд болатын ірі сомадағы доллар тәркіленді», — деді агенттікке ақпарат беруші.

«Барлық байлығы белгісіз. Тек үйдегі қолма-қол ақша ғана тәркіленді, оның тағы да қандай активтері бар екенін анықтау бағытында іс жүргізілуде», — деді ол.

ҚазАқпарат