Полицейлер көпірден секірген қызды құтқарды (Видео)

27 сәуiр 2023, 8:50

Атырау облысының полицейлері көпірден секірген 23 жастағы азаматшаны құтқарды.

«26 сәуір күні сағат 15:48 шамасында ЖБО қызметкерлері жаяу жүргіншілер көпірінен секірмекші болған әйел адамды байқап, дереу Патрульдік полиция қызметкерлері мен Балық қорына қылмыстық қол сұғушылыққа қарсы күрес бөліміне бағыттама берген.

Суға секіріп өз-өзіне қол жұмсамақ болған 2000 ж.т. азаматшаны полиция қызметкерлері Максим Рахмиденов және Мұратбек Белекен суға секіріп, қайыққа шығарған. Оларға көмекке Нұртай Жұмабаев пен Жеткіншек Иманғалиев келді.

Судың қатты ағысына қарамастан полиция қызметкерлері 7 минут ішінде азаматшаның өміріне араша түсіп, ажалдан құтқарып қалды. Әйел адам ТЖД-нің алғашқы медициналық көмек көрсететін қызметкерлеріне тапсырылды» деп жазды Polisia.kz.