Петропавл: жолаушы автобустың шопырын есінен тандырды (Видео)

10 сәуiр 2023, 14:19

Петропавлда жол ақысын төлемей автобустан түсіп кетпек болған жолаушы жүргізушіні мойнынан буындырған. Сотқа дейінгі тергеу басталды.

Облыстық Полиция департаментінің мәліметінше, оқиға 8 сәуір күні сағат 19:30 шамасында болған.

5 «М» бағытындағы автобуста келе жатқан жолаушы өз аялдамасын өткізіп алып, жол ақысын төлеместен түсіп кетпек болған. Алайда жүргізуші есікті ашпай, тек келесі аялдамада тоқтаған. Ашуланған жолаушы шығып бара жатып, автобус жүргізушісін буындырған. Ол талып қалған.
Автобус Қизатов көшесіндегі аялдамада тоқтап тұрған кезде ер адам жүргізушімен және басқа жолаушымен жанжалдасып, бұзақылық жасады.

Осы факті бойынша облыс орталығының 67 жастағы тұрғыны ұсталды.
Аталған факті Қылмыстық кодекстің 293-бабы 1-бөлігі («Бұзақылық») бойынша Сотқа дейінгі тергеп-тексерудің бірыңғай тізіліміне енгізілді.

Қазір тергеу жүргізіліп, оқиғаның барлық мән-жайы анықталып жатыр. Содан кейін процессуалдық шешім қабылданады.