Перизат Қайраттың ісіне блогерлердің қатысы бар ма?

Гуманитарлық көмек көрсету үшін жиналған ақшаны жымқырды деген күдікке ілінген қайырымдылық қорының басшысы Перизат Қайраттың ісіне блогерлердің қатысы бар ма? Tengrinews.kz жіберген сауалға Қаржы мониторингі агенттігі жауап берді.

Осыған дейін әлеуметтік желіде су тасқыны кезінде жиналған қаражатты жымқыру ісіне миллиондаған оқырманы бар блогерлердің де қатысы бар болуы мүмкін деген ақпарат тарады. Өйткені блогерлер, танымал адамдар видеолар түсіріп, қазақстандықтарды Перизат Қайрат бастаған қорға өз үлесін қосуға шақырған еді.

ҚМА-ның ресми жауабында еріктілер қозғалысының белсендісі Перизат Қайратқа қатысты іс бойынша соталды тергеу жалғасып жатқаны айтылды.

«Қаржы мониторингі органдарының өндірісінде блогерлер немесе су тасқыны кезінде қаражат жинаған басқа ұйымдастырушыларға қатысты соталды тергеулер жоқ», — деп нақтылады агенттік.

 

Посмотреть эту публикацию в Instagram

 

Публикация от Карина Оксукпаева (@oksukpaevak)