Әлеуметтік желілерде тараған күзет фирмасы қызметкерлерінің қатысуымен болған төбелес сәті түсірілген видеоны полицейлер тексеріп жатыр, – деп хабарлады Павлодар облыстық ІІД баспасөз қызметінен.

Мұнда павлодарлық «Босфор» дәмханасындағы төбелес жайлы сөз болып отыр. Жуырда белгісіз біреулер мекеме клиенттерін күзетшілердің ұрып жатқаны бейнеленген видеоны желіге жариялады.

«Факт ҚР ҚК 293-бабы 3-бөлігі бойынша сотқа дейінгі тергеу амалдарының бірыңғай реестріне тіркелді.  Аталған қылмысты жасады деген күдікпен «Элекор Күзет» фирмасының екі қызметкері ұсталды», — деп түсіндірді ІІД баспасөз қызметі. Бұл факт бойынша  полицияға ешкім арыз жазбаған.

ҚазАқпарат