Павлодар — Қалбатау автомобиль жолы ақылы болады

Көлік министрі 2023 жылғы 21 қыркүйектегі «Республикалық маңызы бар жалпыға ортақ пайдаланылатын Павлодар – Қалбатау автомобиль жолын (учаскесін) ақылы негізде пайдалану туралы» бұйрыққа қол қойды.

Ақылы жолдың ұзындығы 453 шақырым. Ақылы негізде жолды пайдалану мерзімі — 20 жыл.

Бүкіл маршрут бойынша бір бағытта жол жүру құны:

жүк көтергіштігі 10 тоннадан 15 тоннаға дейінгі жүк автомобильдері үшін – 2626 теңге;
15 тоннадан асатын жүк көліктері үшін – 3283 теңге;
16 орынға дейінгі автобустар және жүк көтергіштігі 2,5 тоннаға дейінгі жүк автомобильдері үшін – 656 теңге;
32 орынға дейінгі автобустар және жүк көтергіштігі 5,5 тоннаға дейінгі жүк автомобильдері үшін – 1313 теңге;
32 орыннан асатын автобустар мен жүк автомобильдері үшін автопоездың жүк көтергіштігі 10 тоннаға дейін – 1969 теңге.

Сондай-ақ жол учаскелері бойынша жол жүру тарифтері белгіленді.

Бұл ретте ақылы учаскелер бойынша белгілі бір уақыт кезеңіне ақылы учаскеге іргелес елді мекендерде тіркелген жергілікті автокөлік құралдары үшін абоненттік төлем бір ауданнан тыс жерде абонемент түрінде бір айға немесе бір жылға ауысқан кезде белгіленеді.

Осылайша, ай сайынғы абонемент автокөліктің жүк көтергіштігіне байланысты 1 – ден 5 АЕК-ке дейін (2023 жылы 3450-ден 17 250 теңгеге дейін), жылдық — 12-ден 60 АЕК-ке дейін (41 400-ден 207 000 теңгеге дейін) тұрады.

Бұйрық 2023 жылғы 8 қазанда күшіне енеді.

JQ-Aqparat