Қостанайлық тұрғын туған әжесін ұрып өлтірді

Қостанай облысында туған әжесін өлтірген немересі 8 жылға бас бостандығынан айырылды. Бұұл туралы NUR.KZ сайты хабарлады.

«Ақпан айының жетісі күні, кешкі сағат бестер шамасында Жалтыркөл ауылында Владимир 1930 жылғы кәрі әжесінің басына бірнеше рет аяқпен соққы жасаған», — деп мәлімдейді облыстық сот.

Бұл күні Воробей отын жарып, ауланың қарын тазалап жүрген. Жұмыс барысында ер адам ішімдік де ішіпті.

Айтуынша, жатын бөлмеген кіргенде, әжесінің төсегінде бөтен еркек жатқанын көрген. Ол тілге келместен бейтаныс ерекекті бірден тепкі астына алған.

Кейіннен анықтап қараса, қиналып жатқан өз әжесі болып шығады. Ер адам қарттың жағдайының нашар екенін көре-тұра ауа-райы қолайсыз, жол жабық деп жедел жәрдем шақырмай қойған.

Келесі күні 11-лер шамасында әжесінің қайтыс болғанын көрген соң, көршілеріне хабар берген.

Қостанай облысы, Жітіқара ауданының аудандық соты 34 жастағы жұмыссыз жүрген Владимир Воробейге Қылмыстық кодекстің 106 бабы, 3 бөлімі бойынша (денсаулыққа қасақана зиян келтіру) үкім шығарды. Оның дәлелдерін негізсіз деп танып, 8 жылға бас бостандығынан айырды.