Қостанайда автобус апатқа ұшырар алдында ағайынды екі жігіт түсіп қалған

30 шiлде 2016, 1:20

20160728173013

27 шілде күні Қостанай облысында Екатеринбург — Алматы бағытындағы автобустың апатқа ұшырап, 6 адам мерт болғаны туралы бұған дейін хабарланған. Осы көлікте болған Челябі қаласындағы Оңтүстік-Орал мемлекеттік университетінің студенті Андрей есімді жігіт ағайынды екі жігіттің қалай аман қалғаны туралы айтты, деп жазады lisakovsk.kz.

Студенттің айтуынша, Ресей-Қазақстан шекарасында ағайынды екі жігіттің бірінің жасы 18-ге толмағандықтан шекарашылар орта жолды оларды алып қалған. Себебі, кішісі ағасымен сенімхатсыз кетіп бара жатқан. Шекарашылар оларды Челябіге қайтарып жіберіпті.
«Олар шекарашыларға өткізіп жіберуді өтініп, жалынды. Қазақстанда туыстары күтіп отырғанын айтқанымен де әскерилер келіспеді. Олар біздің артымыздағы орындықтарда отырған еді. Егер оларды алып қалмағанда өлетін еді», — деді Андрей.

ҚазАқпарат