
Орал қаласында өртке оранған гараждан үш адамның мәйіті табылды. Батыс Қазақстан облысы полиция департаментінің хабарлауынша, екі адамның жеке тұлғасы анықталған. Өрттен ажал құшқан үш адамның біреуі 1982 жылы туған әйел кісі, екіншісі 2002 жылғы ер адам. Үшінші адамның да мүрдесіне сараптама жүргізіліп жатыр.
«21 жастағы ер адам гаражды жалға алып, жұмыс істеген. Марқұмдардың мәйіттері сот-медициналық сараптамаға жіберілді», деп хабарлады БҚО полиция департаментінің баспасөз қызметі.
JQ-Aqparat