Оралда балалар мінген автобус өртеніп кетті

Орал қаласында балалар мінген автобус отқа оранды. БҚО Төтенше жағдайлар департаменті баспасөз қызметінің мәлімдеуінше оқиға бүгін яғни 13 маусым күні Г. Бельгер көшесінде орын алған.
«Сағат 12.40-та Г. Бельгер көшесіндегі 114-үй тұсында «ПАЗ» жеке автобусы отқа оранды. Тілсіз жау сағат 13.09-да оқшауланып, 13.14-те ауыздықталды. Адамдар аман. Оқиға орнында 6 адам (1 техника) жұмыс істеді. Қазіргі кезде өрттің шығу себебі, келтірілген шығын анықталу үстінде», — деп хабарлады ведомствоның баспасөз қызметі. Кәугерлердің айтуынша лагерьде демалып жатқан балалар кино көру үшін автобуспен жол шыққан екен. Қызыл жалын автобусты шарпығанда барлық бала тысқа шығып үлгеріпті.

JQ-Aqparat