Олжас Сәттібаев Олимпиадамен қош айысты

Рио-де Жанейрода өтіп жатқан Олимпиада ойындарында 52 келіде өнер көрсеткен қазақстандық боксшы Олжас Сәттібаев 1/8 финалда әзербайжандық әлем чемпионы Эльвин Мамишзадан ұтылып қалды.

Үш раундта да төрешілер жеңісті әзербайжан боксшысына берді. Осылайша, Олжас Сәттібаев ширек финалға шыға алмады.

Айта кетейік, биылғы жылы бокстан ерлер құрамасы алғаш рет Олимпиада ойындарына толық құрамда барған еді. Бірақ сайыс барысында төрт боксшымыз жарыстан шығып қалды.

Естеріңізге сала кетейік, бүгін сағат 22:00-де Жәнібек Әлімханұлы (75 кг) жартылай финалға шығу үшін әзербайжандық Камран Шахсуварлымен жұдырықтасады.

Боксшы Данияр Елеусінов (69 кг дейін) сағат 3:30-да жартылай финалда франциялық Сулейман Сиссокомен кім мықтыны анықтайды. Сағат 4:15-те қазақстандық Василий Левит пен ресейлік Евгений Тищенко Олимпиада чемпионы атағын сарапқа салмақ.

baq.kz