Құрылыс, инфрақұрылым, өңдеу өндірісі және агроөнеркәсіп кешенінің әлеуеті Қазақстан экономикасының өсіміне мүмкіндік береді. Бұл туралы Премьер-Министр Олжас Бектенов бүгін Палаталарының бірлескен отырысында мәлімдеді.
premierminister.kz сайты жазғандай, Премьер-Министр отандық экономикадағы оң үрдістерге тоқтал а келе, Үкіметтің бар резевтер мен күштерді жұмылдырып. Белсенді жұмыс атқарып жатқанын атап өтті. Мемлекет басшысының бұл салада Үкіметтің алдына ауқымды міндеттер қойғанын тілге тиек еткен Олжас Бектенов серіктестеріміздегі экономикалық ахуалға қарамастан қазірдің өзінде оң динамика қалыптасқанын айтты. Премьер-Министр «Экономиканың кейбір салаларында өсу қарқыны жаман емес. Мысалы, құрылыс, көлік пен байланыс саласында өсу қарқыны 8 пайызға жуық. Сауда саласында көрсеткіштер төмен болып отыр. Оған тасқын салдары әсер етті деп ойлаймыз. Бірақ қазіргі таңда көрсеткіштер қалпына келе бастады. Біздің пікірімізше, экономиканың кейбір салалары өте жоғары өсу әлеуетіне ие. Атап айтсақ, құрылыс, инфрақұрылым, өңдеу өндірісі және агроөнеркәсіп кешені», — деді.
JQ-Aqparat