«Ол әйел кешірім сұрауға тұрмайды»: Кешегі такси жүргізуші өз ойын айтты

Кеше Қостанайда такси жүргізушісіне жала жаппақ болған әйелдің қылығы біраз адамды ойландырып тастады. Не үшін олай істеді? Мүмкін біздің елдегі такси жүргізушілерді әйелдерге тап беретін жабайы етіп көрсеткісі келген «грант алушы» шығар? Оны тексерген адам бар ма? Әйтпесе, болмашы нәрсеге адам өзін-өзі жұлмалап, тектен-текке жала жаба ма?! Бейнежазба әлеуметтік желіге тарап, үлкен резонанс тудырғаннан кейін сол үшін «сотқа берем» деп қоқан-лоққы көрсетуі де тегін емес. Ел-жұртқа масқара болғанында шаруасы жоқ, доқ көрсетіп әлек.

Бүгін әлгі әйел жала жапқан такси жүргізушісі өз жазбасын жариялады.

«Осы оқиғаға қатысты пікір білдірейін деп шештім. Ол келіншектің жақындарына бұл жағдайдың кесірінен буллинг жасалмауы керек. Оқиға 24 желтоқсанда болды. Әлеуметтік желіге тарап кеткенін қаламап едім. Видеоны кейбір таныстарыма жібергенмін, біреуі оны әлеуметтік желіге салыпты. Ешкімге өкпем жоқ, кешірім де сұрамаймын. Себебі ол әйел кешірім сұрауға тұрмайды. Менің арым таза. Айтайын дегенім: кез келген жағдайға дайын болыңыз», — дейді такси жүргізушісі.
Кеше бұл жігіт долданған әйелдің қылығын видеоға түсірмегенде, зорлық жасауға оқталмағанын дәлелдеуі қиын болар еді. Көпшіліктің «басы істеп кетті, бейнезжабаға түсіргені дұрыс болған» деп риза болып жатқаны содан.

JQ-Aqparat